Tunlai hian Mizorama sorkar leh private Sikul zawng zawngin VSK portal-ah kan sikul data hrang hrang, sikul information & activities, zirlai leh zirtirtu data te thun tumin kan buaipui luih luih mai a. Sorkar lam hotute hian a hman danah te training pawh huaihawt lem lovin Video Tutorial leh PDF manual file vel share kualin mahnia inzirchawp mai turin min ti a. Hei vang hian buai fe fe pawh kan tam hle a ni. Portal whatsapp group velah pawh training hmasa lova inzirchawpa hmang mai thei tura sorkarin sikul te min phut hi hriatthiam har ti fe fe an tam hle. Portal thil tum leh awmzia zawng zawng kan sawi dawn chuan chhiar ninawm ni thei dawna ka hriat avangin heti tak maia sorkarin min hman tir chuk chuk thil, VSK portal hi portal puitling leh hmantlak, computer tlem khawih thiam tan, training ngai lova hman mai theih a lo ni reng em, tih hi bihchianna ni pah fawmin ziah ve zuai zuai thain ka hria a. Mipui vantlang hriatthiam tawk tura technical lo thei ang bera ziah thiam a chakawm viau mai a. A lo technical deuh a nih pawhin chhiartute hriatthiamna ka ngen nghal e.
A hmasa berin he VSK portal siamtute (developers) hian mipuiin tangkai taka kan hman theih nan theihtawp chhuahin an bei ve a, chuvangin he bihchianna hian an hnathawh hi ar chuk tui lo anga chhuah a tum reng reng lo va. Kan tum ber chu he bihchianna hmang hian portal tha zawk leh rintlak, a hmangtute tan pawha buaina awm lo thei ang ber tur leh sikul zawng zawng tan chhawrnahawm zawk a lo nih theih nana fakselnaah a ni ber. Portal siamtute'n Video tutorial leh PDF manual an dah te hi software develop tu tam takin an tihtheih loh leh kimchang bawk si a nih avangin fak an phu hle ka ti a. Training a awm loh bawk avangin kan tangkaipui tlang hlawm hle tih pawh a hriattheih a ni. Chutihrualin Video tutorial tha leh PDF document ringawt hian Software Functionality leh Design lama harsatna a tihtlem phah chuang lo erawh a pawi khawp mai.
Hmuhnuam leh hman nuam (Interface & User Experience)
Software chu hmuhnuam leh hman nuam a nih hi a pawimawh hle a. Hetiang lama VSK portal tlakchham hrang hrang te kan tarlang ang.
(a) Pagination, Filter & Search: Data reng reng hi hmun khata list chhuah pup pup hi software-ah chuan tihdan phung tha lo ber pawl a ni a. Entirnan hmunkhata zirlai zawng zawng list chhuah tawp te hi. A zawnawlna(search) leh thlitfimna (filter) a awm loh phei chuan a tha lo leh zual a ni. A that lohna lang sar ber chu a muang lo thei lo va. Internet neih that loh phei chuan a hmangtu lam tan harsatna nasa tak a siam a. A chak loh dan hi a hmangtu lamah chauh a ni lo va, a application an dahna khawl (server) pawh a han timuang vek a ni. Chuvangin Application pangai chinah chuan a phek te te-in (Pagination) thil an dahchhuak thin a. A phek number an dahtel loh pawhin First page, Next, Previous, Last Page button te hi an dahtel zel thin a ni. Entirnan Zirlai list te pawh phek khatah zirlai 10, 20, 50, etc. angin an dahchhuak thin a ni. Hmunkhatah list dahchhuah vek a nih hian a hmangtu browser nasa takin a timuang thei a. RAM lian nei lo tan phei chuan an browser te pawh a crash phah thei a, bandwidth a heh hle bawk a ni.
(b) Poor User Experience: Pagination a awm loh chuan information kan duh tak va zawn leh endik vel te a buaithlak thei hle a. Mouse leh Keyboard hman zei vak lo tan phei chuan Search Box awm mah se a harsa em em tho a ni. Phek khata thil dah teuh hi hmuh a hreawm ve hranpa hrim hrim bawk a. List thui tak tak scroll hi a nuam lo hle bawk a ni. Hei VSK tlakchham lian tak a ni. Tun dinhmunah data hi sikul tinin kan khung tan chauh a la ni a, data a tam tak tak hun phei chuan phun tur kan la tam khawpin a rinawm a ni. An system hman atanga a lan dan chuan SQL database an hmang tih kan hre thei a. Tun atang pawh hian a performance chak tawk tawh loh zia thenkhat chuan kan hre thei ang. Database load hi a san viau chuan buaina lian zawk pawh lo awm thei a ni bawk.
Portal-a List thenkhat Pagination awm lohna te chu:
1.
https://vskmizoram.com/report/tms_tch_regist
2.
https://vskmizoram.com/tchmgmt/tch_mgmt
3.
https://vskmizoram.com/tchmgmt/tch_dropbox
4.
https://vskmizoram.com/report/search_teacher
(this is quite heavy)
5.
https://vskmizoram.com/report/tch_recruit_status (Navigation is lost)
6.
https://vskmizoram.com/tchmgmt/tch_leav_mgmt
7.
https://vskmizoram.com/nr/school/ict_sch
8.
https://vskmizoram.com/report/tch_school_list
9.
https://vskmizoram.com/report/tms_tch_regist
10.
https://vskmizoram.com/report/stud_list.php
Heng kan tarlan bakah hian class leh section vel an dahna thenkhatah hian Pagination a awm lo bawk a ni. A nihna takah chuan a VSK Portal pumah hian Pagination, filter leh search te hi an dah lo tawp te pawh a ni mai thei.
Pagination functionality hi dah tumna a awm chuan Frontend (A hmangtu lamin kan hmuh theih) leh Backend (Database lama Frontend mila query limit an siamna) lamah dah ve ve ngei ngei tur a ni bawk a. FrontEnd chauha daha Backend lama a awm chuan si lo chuan a fuh thei tak tak chuang lo. A awm kawp a ngai a ni ber.
A Portal siamtute hian Design leh User-Experience-ah tuina leh a hmangtu ngaihtuahna (Taste) an nei lo tawp emaw tih mai turin a portal design leh kalkualna (Menu/Navigation) vel hi a buarchuar a. Tunlaiah chuan Application landan design-na hmanrua tha tak tak (CSS Framework) te awm tawh a, chutihlaia hetianga mawi lo leh hmuh hreawm taka a UI an chhuah ta mai hi hriatthiam a har hle mai. A bikin Web Application hmel design-na tawng ber CSS phei hi chuan Programmer ni kher lo pawhin a mawihnai ve pangai leh Device hrang hranga a landan dik thlap tura siam hi chu an thei vek mai si a. A mak a ni. Chumai la ni lo va, ngaihtuah tikal thui em em turin a main menu ber design code te hi Internet-a mi copy tawp a ang ka ti hle mai a. A hnuaia link te hi lo en ila:
https://stackoverflow.com/questions/67346420/how-to-subnav-subnav
https://www.sitepoint.com/community/t/changing-text-alignment-on-a-dropdown-menu/358304.
A main menu ber hi a chunga linka mi direct copy tawp emaw, adaptation te pawh a ang khawp mai a. Hei hian plagiarism ringawt lam a khawih lo va. A siamtu lamah engmah design leh mahni kutchhuaka thil han tihtumna hrim hrim a lang lo bawk a ni. Beginner tutorials vel atanga ERP siam kan tum chuan professionalism a awm lo hle tihna a ni phawt mai. Kan sawi tawh angin tuna VSK Main menu-ah hi chuan professionalism a lang lo tak zet. Modern Web Design kalphung a bawhchhe nasa hle a. Device hrang hrang, a te leh a liana en theih (Responsive Design) a ni lo leh zel te, drop down menu a hman te hi a bikin phone atang te hian khawih hleih theih a ni lo va, a tha lo tak zet a ni.
(c) Form Design & Functionality: A portal puma thil dahluhna leh editna (form) zawng zawng te hi a landan bakah a functionality (a hnathawh theihna) hrim hrim hi siamthat ngai vek a ni mai hi a ropui lo hle. Form te hi HTML table hmangin an dah mai mai a. Hei vang hian responsive design-ah chuan a hmantlak loh a, screen size hrang hrangah dik ngaihna a awm lo nghal a ni. Form nalh leh khawih nuam tak tak awlsam taka design-na Modern CSS framework tam tak zingah hman nuam bik Boostrap te Tailwind CSS te a awm a. Hetiang framework hi hmang ta se, developer anga an hnathawh pawh a zangkhai sawt ang a, heng ho hian frontend validation plugins leh feature tha tak tak an la ni zui bawk a. Ngatinge le? Form design-ah hian keini Indian ho hian kan hrat deuh emaw ka tih thin pakhat chu date hi database-a a awm dan ang anga form editna vela dahchhuah hi a ni. Database mysql te angah chuan date hi yyyy-mm-dd format-in dah thin a ni a. Tuna kan VSK portal-ah pawh hian database-a an dah ang angin form editna velah hian date hi an rawn dahchhuak a. A thunna lamah chuan dd/mm/yyyy format-in a awm leh lawi a, hmuhsual a awl a, format pakhat dd/mm/yyyy ang hian a portal pumah hian hman ni mai se a tha tur. Database-a mi ang raw date-a dah chu thuhran dahdan in ang lo nuai hi a professional loh bakah tihdan tha lo (bad practice) dik tak a ni. Date of Birth field-a manual typing theih loh te pawh hi a tha lo hle a ni. Computer thil, hnathawh tiawlsam tu tur a nih laiin handwriting pawh a pha lo tlat. UDISE portal-a an tihdan te kha entawn se a tha viau ang. Tin Date hrim hrim hi a khawihna javascript Library tha tak tak a awm a. Nichina kan sawi tak Bootstrap bakah Moment.js te hi a thlawna hman theih vek an ni.
Tuna VSK portal-a form design kalphung tha lo ka tih leh em em pakhat chu accessibility leh label an pe lo leh dik lo te hi a ngaihmawhawm hle a ni. Label hi forma kan pek dik thlap a, form tab indexing kan tih thlap hian a hmangtu tan a nuam bik em em a ni. Entirnan Label "Name of Student" kha a hawrawp i click khan a input-ah chhut theihin cursor a lut nghal tur a ni. Feature dang awm lo leh chu autocomplete leh autofocus te hi a ni a. Autocomplete hi data thenkhatah chuan off ngei ngei hi a tha a ni. Heng bakah hian form validation hi browser ken tel bak a hranpain siam em em a awm lo bawk a, a zia lo hle. Browser-in form validation a neihsa te hi chu professional pangai chuan an hmang ngai meuh lo va, hman chiah pawh an ngai lo a ni ber. Chuvangin Bootstrap validation emaw Parsley.js te tal hi hman ni se tha tur. Hei lo pawh a thlawna hman theih a tam. Professional pangai chuan Form Management Library nena tangkawpin browser storage hmangin form data temporary-a savena an dahtel tlangpui a. Chhut tawhsa browser close palh vanga bo te; current awm loh vanga computer thihthut palh pawhin an chhutsa a bo ve lo va, hetiang tal hi chu Mizoram pum huap thilah chuan kan phu ve a sin le.
An rawn release tirh khan link eng pawh mai kan click khan tab tharah a inhawng zel mai a. Computer RAM lian pui pui nei pha ve lo ta chu kan va phun a, an rawn siam tha a, a lawmawm khawp mai. Mahse a chunga kan sawi bak thil dang kan han thlek kual vel hian lungawina lunghnurnain a chhunzawm leh a ni ringawt mai. A application hian tunlai design approach SPA (Single Page Application) a hmang lo hrim hrim mai a. Link kan click apiang khan page pum kan hawng thar ziah ang a la ni tho a ni. Kan hre theuh ang a, facebook te hi Single Page Design Approach hmang chu a ni a. A chhunga link eng pawh hi click ila, full page reload a awm lo vek a ni. Hei hi a tulna em em chu full page reload hian bandwidth kan heh bakah net muangah a buaithlak bik em em a. SPA-ah chuan assets ngai te a hranin a load tawh ngai lo va. Browser cache te a hmang tangkai net a muan chang pawhin a tha bik em em a ni. Net chak loh lai phei chuan full page reload hian assets thenkhat a load kim lo thei bawk a. Menu thenkhat leh portal functionality thenkhat te a tihbuai phah thei bawk a ni. SPA approach ah chuan kan data mamawh chauh kha page-ah load zel a ni. Design leh UI-ah ka sawi bak pawh hi a la tam mai a. Mahse a thui deuh dawn avangin awm ngei ngei tura ngaihsa ang deuh chauh ka rawn tarlang a ni. Security lam thil en leh ang.
Security Concern
Tunlaiah chuan mitin mai hi privacy leh security lamah kan bengvar (aware) tlang hlawm hle tawh a. Social media leh messaging group leh channel velah pawh a tha lo zawnga digital footprint hnutchhiah duh lo kan tam tawh khawpin ka hria. Hetiang karah hian kan VSK portal chuan web development-a tihdan tha lo tak directory listing hi an siam dik lo hi a ni. VSK portal hi APACHE server hmangin PHP leh Mysql language hmanga siam a ni a. An application folder (directory) leh files remdan hi tu pawh hmuh theihin an phochhuak a. Hei hi tih miah loh tur a ni a. Server configuration hman thiam loh vang emaw theihnghilh vang te pawhin tiang hi a thleng ve fo va. A that lohna ber chu Hacker te'n awlsam taka hack nan code files leh folders information hi an hmang thei tlat a ni. Tihsual or inthlahdah vangin database configuration te leh backup file te hacker hian an lo download thei bawk a ni. Attacker thiam fal deuh te phei chuan awlsam takin an code file te kha lo thlakin a dangin an thlak thei a. Hetianga files leh directory lang tuara an dah reng chuan a him lo hle a ni. A professional loh thlak hle. A hnuaiah hian Directory Listing an off-na tur lai leh an off dan tur te kan tarlang ve hrim hrim ang. Tin hei hi quick solution mai a ni a. A aia tha pawh a la awm thei bawk.
Directory Listing off-na tur lai link te chu:
1.
https://vskmizoram.com/report/
2.
https://vskmizoram.com/sms/
4.
https://vskmizoram.com/tms/
5.
https://vskmizoram.com/tchmgmt/
6. https://vskmizoram.com/download/
VSK portal bik hi chuan Apache Server a hman avangin directory lanna laia file pakhat .htaccess siamin a chhungah a hnuaia thuziak hi dah tur a ni:
Options -Indexes
Files leh folder te reng reng permission awmze neia pek vek tur a ni bawk. Tlema php file sensitive bik, database kaihnawih deuh te phei chu public folder atanga lakchhuaha a hran dah ngei ngei tur a ni bawk.
A chung lama kan sawi tawh ang khan Server Side a ni emaw Client Side lamah pawh VSK portal hian validation mumal tak a nei lo tawp mai a. Entirnan:
https://vskmizoram.com/nr/school/water_sch
he linkah hian i luh chuan Javascript Error "You are not allowed to use this module" tih a lo lang a, Ok kan click chiah khan php code sawngbawl loh echo ""; tih hi a lo lang ang. Browser back button han click ila, "Confirm Form Resubmission" error (ERR_CACHE_MISS) tih a lo lang ang. Back Button click nawn fe hnuah atira kan click tannaah kan lut leh chauh ang. Heng te hi error handling fuh loh a ni a. Hacker hian kan error hmangin min hack thin a. Hei hi chinfel vat a tha hle a, a hmangyu tan pawh ninawm leh stressful deuh a ni a. Hetiang problem hi a awm nual a. Chungte chu a hnuaia link te:
1.
https://vskmizoram.com/nr/school/dilap_sch
2.
https://vskmizoram.com/nr/school/resiqtr_sch
3.
https://vskmizoram.com/nr/school/electric_sch
4.
https://vskmizoram.com/nr/school/majrep_sch
5.
https://vskmizoram.com/nr/school/incin_sch
6.
https://vskmizoram.com/nr/school/strength_sch
7.
https://vskmizoram.com/nr/school/srsec_sch
8.
https://vskmizoram.com/nr/school/ict_sch
9.
https://vskmizoram.com/nr/school/smartclass_sch
Heta tang pawh error handling that loh zia leh ngaihsak a hlawh loh zia a lang chiang viau awm e.
Portal-a kan luh dawn hian kan login a ngai thin a. Kan login chiah khan kan login credentials a dik chuan Server khan session min lo siamsak thin a. VKS portal chuan php scripting language a hman avangin PHP session a siam dawn a ni. PHP hian built-in session a nei a. Mahse ERP ang software lian leh security duhtui ngai chiah chuan builtin session hi an hmang ngai meuh lo. VSK Portal chuan a hmang leh tlat mai a. Chumai a la ni lo, Session check nan javascript coding outdated tawh tak mai XMLHttpRequest hmang mauh mai a, tunlaiah chuan Javacript Lib emaw Fetch Api an hmang ber tawh a, a duhtui deuh te chuan JWT te an hmang zawk. Tin VSK portal coding style hrim hrim hi procedural coding style a ni a, mi hman duh tawh loh (outdated) a ni. Procedural Language hi tam takin an hman duh lohna chhan chu code duplication/repeated a tam vang te, maintain a buaithlak vang te leh extend leh customize te a buaithlak vang a ni. Tin industry standard a ni lo bawk. Industry standard-ah chuan code kha maintain awlsam, code functionality endikna neih (unit testing) leh extend theih, etc. a ni tur a ni.
A that tawk lohna tarlan tur a thahnem viau mai a. Maherawh chu chhiar ninawm a nih loh nan leh a technical details lam deuh hlir an nih deuh tawh avangin kan ziak vek ta lo. A that tawk lohna tlema zawng kan han thailan atang pawh hian VSK portal hi Production Ready a ni lo tih chu tu pawhin kan hai lo awm e. Heti chung hian kan sorkar hotute hian min hman tir bawrh bawrh mai a, a code an fix pah reng bawk a. Kan thupuia zawhna khi whatsapp group lama member pakhat zawhna a ni a. A chhanna ka hre bik hauh lo mai. Mahse UDISE vanga lo piang ve deuh chu a ni phawtin a rinawm a. Developer ruai kual lo hian kan Aizawl khawpui chhungah ngei pawh tuna kan sawi zawng zawng te sawi ngai lo tura develop thei leh thiam startup firm M2Code te, Thingpui Software te, Lailen te, ICT department, etc. te pawh an awm ve a. Ngatinge a mipui chawkbuai zual zawng hian hetiang hian an kalpui mai le, tihte ngaihtuahnaah a awm a. Modi sorkar hnuaiah hian teaching bakah hian tihtur hi a tam em em mai a. Hetiang karah Application dik mang lo sikula thawk leh zirtirtute hman tir hi phurrit a tling tak meuh a, hotu lam te pawh hian a felfai zawk theih nan Developer te hi hun pe deuh se, kan sawi tak te tal hi siamthat ni se, a lawmawm hle ang.
No comments :
Post a Comment