COURSES

MIZO TAWNGA WEBSITE LEH WEB APPLICATION ZIRNA COURSE

Website siam thiam tur leh Web Development company lama thawk tlak tur chuan Technology hriat leh thiam ngai ngei ngei chi hnih a awm a. Chu chu a tawi zawngin Front-End Web Development leh Back-End Web Development tiin an sawi mai thin a. Front-End-ah ringawt pawh hian coding language chi hrang hrang thiam ngai a awm a. Saptawng thiam tan chuan Internet-ah hian zirna hmanrua pawh a tam ve ve hle a ni. Mahse Internet-a hmanrua kan hmuh te hi saptawnga ziak a nih tlangpui avang leh kaihruaitu(guide) tel lo chuan mithiam thenkhatin an duhna lai lai lawra an ziak te a nih hlawm bawk avangin inzirthiam a har fu mai a ni. Lehkhabu te hi inzir nan tha viau hlawm mah se, programming term an hmang nasa hlawm a, lehkha chhiar peih tak tan pawh a ninawm duh ve viau mai. JF Dictionary keu zel a ngaih phei chuan inzirchhuah chhung a rei duh hle dawn a ni.

HL SOLUTION chuan mi dangte'n awlsam taka an zirthiam na turin course kan duang a. Kan course-ah hian Full stack web developer ni tura kailawn pawimawh leh thiam ngai te uluk taka thlangin syllabus kan siam a. Topic hniam ber atanga sang thei ber thlengin kan cover a ni. Chuvangin a zir hun chhung pawh Front-End-ah ringawt pawh 60 Hrs tal a ngaih phah a ni. Mahse zirchhuak te tan thiam ngei ngeina a ni ve thung. Project chi hrang hrang kan khawih nasa hle a. Kan project khawih tinah a rem dan apiangin Programming logic leh algorithm harsa zual te kan zep zel a. Kan zirlai te hmuh tam tira, bel tir hi kan tum ber a ni. Language eng pawh hi thiam theih loh tur khawpa harsa a awm lo tih hi kan thupui a ni. A hnuaia mi ang hian Front-end leh Back-end Technology chu kan zirtir a ni.

FRONT-END

HTML5, CSS, Bootstrap, Vanilla Javascript, Jquery, JqueryUI, VUEJS, CHART, SVG, CANVAS, etc...

Course Duration: 60hrs, 2hrs daily except Sunday
Course Fee: ₹ 6000/- Only
Zir thei chin: CLASS IX
Location: Dove Computer Institute, Chanmari, Chaltlang Road

BACK-END

PHP7, Mysql/MariaDB, sqllite, Apache Server, Hosting, Open Source CMS, Blogging, Code Igniter, etc...

Course Duration: 60hrs, 2hrs daily except Sunday
Course Fee: ₹ 6000/- Only
Zir thei chin: FRONT-END Zo tawh
Location: Dove Computer Institute, Chanmari, Chaltlang Road

Note:
Zir zawh hnu a mahni-a project khawih thei ve chin chuan Certificate an dawng vek dawn a ni. Kan inzirtir dan kalphungah chuan kan zirlaite'n mahniin project an khawih thei ngei ngei dawn a. Certificate hi chu dawng ngei ngei turin kan beisei a. Zir laklawh laia chawlh san tan erawh chuan dawn theih a ni kher lovang.